இந்த வருடம் 2024 மே மாதம் 1-ம் தேதி குரு பகவான் உங்கள் இராசிக்கு சுகஸ்தானத்தில் (4-ல்) குரு பெயர்ச்சியாகிறார். தன – லாபாதிபதி அதாவது 2 – 11க்குரிய குரு பகவான், 4-ம் இடத்தில் அமர்ந்து 8,10,12-ம் இடங்களை அதாவது அஷ்டமஸ்தானம் – ஜீவனஸ்தானம் – விரயஸ்தானம் போன்றவற்றை பார்வை செய்கிறார் . 4-ம் இடத்தில் அமரும் குரு சுமாரான பலன்களை தான் தருவார் என்பதால் கெடுதல் ஏதும் கும்ப ராசிக்கு இல்லை. பொதுவாக குரு பகவான் 4ல் இருக்கும் போது மன உளைச்சலையும், உறவினர் வகையில் வீண் பகையையும் உருவாக்குவார் என்பது ஜோதிட வாக்கு. வீடு – மனை வாங்கும் யோகம் உண்டாகும். பட்டப்படிப்பு தடையின்றி முடிக்கும் பாக்கியம் கிடைக்கும். குடும்பத்தின் பொருளாதார நிலை உயர்வடைய துவங்கும். எந்த ஒரு விஷயத்திலும் நன்கு ஆராய்ந்து செயல்படும் திறன் ஓங்கும். வீடு வாகன பராமரிப்பு செலவு அதிகமாகும். சுக சௌகரியங்கள் நிறைந்து விளங்கும். வண்டி, வாகனங்களை புதிதாக வாங்க முடியும் தாய் வழி உறவினர்களின் ஆதரவு கிடைக்கும். நல்லவர்களின் நட்பை வளர்த்துக்கொள்ள முடியும். முன்னோர்கள் இழந்த சொத்துக்களை மீட்கும் முயற்சிகளில் வெற்றி கிடைக்கும். நல்ல நண்பர்களின் சேர்க்கை கிட்டும். ஆன்மீகத்தில் ஆர்வம் கூடும். உறவினர்களிடம் அனுசரித்து செல்வது நல்லது. வீட்டில் சின்னச் சின்ன சண்டைகள் ஏற்படும். காதல், திருமண விசயங்களில் அவசரப்பட வேண்டாம். கடன் வாங்கவோ,கொடுக்கவோ வேண்டாம். முக்கிய முடிவுகளை எடுக்கும் போது அவசரப்படாமல் ஆலோசனை செய்து முடிவு செய்யவும். எதிலும் பொறுமை காப்பது நல்லது. நல்லவர்களின் தொடர்பை வளர்த்துக்கொள்ளுங்கள். மறைந்து கிடந்த திறமைகளை வெளிப்படுத்த நல்ல வாய்ப்புகள் வரும். வீட்டுப் பராமரிப்புச் செலவுகள் அதிகரிக்கும். உடன் பிறப்பு வகையில் செலவுகள் வரும். யாருக்கும் ஜாமீன் கையெழுத்து போட வேண்டாம். தேவையற்ற விவகாரங்களில் தலையிட வேண்டாம். குடும்பத்தில் சுப காரியங்கள் சிறிது தாமதத்திற்கு பிறகு நல்ல படியாக நடைபெறும். குடும்பத்தினருடன் அனுசரித்துச் செல்வது நல்லது. கணவன் மனைவிடையே சண்டை, சச்சரவு வராமல் பார்த்துக்கொள்ளவும். தாய் வழி உறவுகளில் கருத்து வேறுபாடுகள் ஏற்படும், அனுசரித்து செல்லவும். சிலருக்கு வீடு மாறவேண்டிய நிர்ப்பந்தம் ஏற்படும். பயணங்களால் நிறைய லாபம் இருக்கும். வெளிநாடு சம்பந்தப்பட்ட அனைத்து விஷயங்களும் வெற்றிகரமாக கை கொடுக்கும். உத்யோகத்தில் இடம் மாற்றம் ஏற்பட வாய்ப்புண்டு. உத்யோகத்தில் வேலைப்பளு அதிகரிக்கும். சுய தொழில், வியாபாரம் சூடு பிடிக்கும். கூட்டு தொழிலில் இருந்த குழப்பங்கள் தீரும். தொழில் துறையில் நீங்களே ஆச்சரியம் படும்படி விறுவிறுப்பாக முன்னேறும். மொத்தத்தில் இந்த குரு பெயர்ச்சி விட முயற்சியின் பேரில் வெற்றி பெரும் வகையில் அமையும். கடன் வழக்கு பிரச்னை தீர்வுக்கு வரும். தேவை இல்லாமல் வம்பு செய்தவன் கூட உங்கள் முன் அடிபணிந்து நிற்பர். விரயங்கள் – சுபவிரயமாக ஏற்படும். திருமணம் – புதுமனை புகுதல், புத்திர பேறு போன்ற சுபசெலவுகள் ஏற்படும். பெற்றோர் உடல் நலம் சீரடையும். வங்கி உதவி கிடைக்கும். தெய்வ வழிபாடு அதிகமாக ஏற்படும். புண்ணியஸ்தலங்களுக்கு செல்லும் வாய்ப்பு வரும். 4-ல் அமர்ந்த குரு, நலமான வாழ்க்கை தருவார்.
பரிகாரம் : தென்திட்டையில் எழுந்தருளும் குருபகவானை வணங்க நல்லதே நடக்கும்