இந்த வருடம் 2024 மே மாதம் 1-ம் தேதி குரு பகவான் மிதுன இராசிக்கு 12-ல் குரு பெயர்ச்சி ஆகிறார். குரு அமர்கிற இடம் உங்களுக்கு விரைய ஸ்தானத்தில் என்பதால் நல்லது 12-ல் குரு பெயர்ச்சி என்பதால் பயமே வேண்டாம். இந்த குரு பெயர்ச்சி உங்களுக்கு நன்மை செய்யும். (12-ம் இடம் மறைவு ஸ்தானம்). அடுத்த குரு பெயர்ச்சி வரை சற்று கவனமாக இருப்பது நல்லது, இருப்பினும் இந்த குரு பெயர்ச்சி நன்மைதான் செய்யும். காரணம், 7 மற்றும் 10-ம் இடத்துக்கு அதிபதி அதாவது கேந்திராதிபதி எப்போதும் கெட வேண்டும். உங்கள் இராசிக்கு குரு கெட்டவன். ஆகவே 12-ல் அமர்ந்த குரு யோகத்தை கொடுப்பான். வியக்க வைக்கும் அளவிற்கு வாய்ப்புகள் கிடைக்கும். பொதுவாக பார்க்கும் போது 12ம் இடத்தில் குரு பகவான் வருவது சுமாரான நிலையே. இங்கு அவரால் பொருள் விரையம் ஏற்படும். இதனால் நீங்கள் நொந்து போக வேண்டாம். குரு பகவான் கெடுபலனை செய்யும் போது அது உங்களுக்கு இறுதியில் நன்மையிலேயே முடியும். வெளிநாடு வேலைக்கு காத்திருந்தவர்கள் பயணத்திற்கு தயாராக வேண்டிய காலம். தடைபட்ட கல்வி வெற்றி பெறசெய்யும். உடல்நலனில் இருந்த பிரச்னை குணமாகும். நீண்ட நாட்களாக இருந்துக் கொண்டிருந்த வழக்கு சமரசம் ஏற்படும் அல்லது வெற்றியை கொடுக்கும். குடும்பத்தில் குதூகலம் உண்டாகும். மனக்குழப்பம் தீரும். முக்கியமாக வண்டி வீடு அமையும். வாடகை வீட்டில் வசித்தவர்கள் சொந்த வீடு வாங்கும் அமைப்பை குரு பகவான் ஏற்படுத்துவார். இதுநாள்வரை கடன் தொல்லையில் இருந்தவர்களுக்கு, கடனை காணாமல் போகச் செய்து விடுவார் குரு. பண வரவுக்கு பஞ்சமில்லை அதே போல சுப விரைய செலவுகளும் அதிகம் ஏற்படும். அனாவசிய செலவுகளை குறைத்துக்கொள்ளவும். குடும்ப நலன் ஒற்றுமை கூடும். முக்கியமான பணிகளின் போது அடுத்தவர்களை நம்பி இருக்காமல் தேவையான ஏற்பாடுகளை நீங்களே செய்து கொள்வது நல்லது. குடும்பத்தினருடன் அவ்வப்போது கருத்து வேறுபாடுகள் தோன்றக்கூடும். ஆன்மீக சார்ந்த விஷயங்களுக்கு அதிகம் செலவு செய்ய நேரிடும். நீண்டதொரு ஆன்மீக பயணம் மேற்கொள்ள வேண்டிவரும். சொத்து பிரச்சனையில் இழுபறி நிலை நீடிக்கலாம். வாழ்க்கைத்துணையுடன் வாக்கு வாதத்தில் ஈடுபட வேண்டாம். காதல் விவகாரங்கள் கை கூடுவதில்லை கொஞ்சம் ஒத்திப்போடவும். ஓயாத அலைச்சல் காரணமாக உடல் சோர்வு ஏற்படலாம். மருத்துவ செலவுகள் கட்டுக்குள் இருக்கும். பழைய வீட்டில் இருந்து புது வீட்டிற்கு செல்ல முடியும். புதிய வண்டி, வாகனம் வாங்க வேண்டிவரும். எதிர்பார்த்த காரியம் தடையின்றி முடியும். உடன் பிறந்தவர்களிடம் ஒற்றுமை கூடும். பணம் கொடுக்கல் வாங்கல் விஷயங்களை தவிர்க்கவும். பழைய கடன்களால் சில பிரச்னைகளை சந்திக்க நேரிடும். உடல் நலம் நல்ல படியாக குணமாகும். வர வேண்டிய தொகைகள் வந்து சேரும். வழக்கு வெற்றிகள் சாதகமாகும். மறைமுக எதிர்ப்புகள் நீங்கும். எதிர்பாராத வகையில் பண வரவு வரும். அடிக்கடி பயணம் மேற்கொள்ளுவதால் பண விரையம் ஏற்படும். பால்ய நண்பர்களுடன் சிறிய மனஸ்தாபம் வரும். புதிதாக அறிமுகமாகும் நபர்களை நம்பி பெரிய முடிவுகள் எடுக்க வேண்டாம். ஒரே நேரத்தில் இரண்டு, மூன்று வேலைகளை சேர்த்து பார்க்க வேண்டி வரும். உத்யோகத்தில் வேலை பளு கூடும். உத்யோகத்தில் உயர் அதிகாரிகளின் ஆலோசனை ஏற்றுக்கொள்ளவும். புதிய தொழில் மாற்றம் ஏற்படும். கூட்டு தொழில், வியாபாரத்தில் கூடுதல் கவனம் தேவை. இந்த குரு பெயர்ச்சியில் பலன் மிகவும் குறைவாக கிடைப்பதால் பொறுமையை கடைப்பிடிக்கவும்.
பரிகாரம்: குரு பகவானின் திரு அருளை பெற ஞானிகள், தவசீலர்கள் முக்தி பெற்ற திருத்தலங்களுக்கு சென்று தரிசிப்பது நல்லது