இந்த வருடம் 2024 மே மாதம் 1-ம் தேதி குரு பகவான் உங்கள் இராசிக்கு 6-ல் அமர்கிறார். (6-ம் இடம் மறைவு ஸ்தானம்) 6-வது இடம் ரோகஸ்தானம். இங்கு அமருவது பெரிய தவறு ஒன்றுமில்லை அது எப்படி என்றால், அதாவது கேந்திராதிபதி கெட வேண்டும். உங்கள் இராசிக்கு குரு பகவான், ஜென்மாதிபதி மற்றும் சுகாதிபதி. அதன்படி குரு உங்களுக்கு கேந்திராதிபதி. கேந்திராதிபதி கெட வேண்டும். அப்போதுதான் யோகத்தை கொடுப்பான். “கெட்டவன் கெட்டிடில் கிட்டிடும் இராஜயோகம்.” கவலையே வேண்டாம். 6-ம் இடத்து குரு காரியங்களில் தடங்களை ஏற்படுத்தும். 6ம் இடத்தில் இருக்கும் குரு உடல் நலத்தை பாதிப்புக்குள்ளாக்குவார். மனதில் தளர்ச்சியை ஏற்படுத்துவார் என்பது ஜோதிட வாக்கு. குரு சாதகமற்ற நிலையில் இருந்தாலும் அவரது 9ம் இடத்து பார்வை மிகவும் சாதகமாக காணப்படுகிறது. குருவின் பார்வைக்கு கோடி நன்மைகள் உண்டு. குருவின் பார்வை மூலம் எந்த இடையூறுகளையும் தடுத்து நிறுத்தலாம். 6-ல் குரு அமருவது சிரமம் என்றாலும் அவரது சிறப்பு பார்வை தன ஸ்தானத்தின் மீது விழுவதால் பொருளாதார நிலையில் பிரச்சனை ஏதுமின்றி தன வரவு என்பது தொடர்ந்து கொண்டிருக்கும். சகட குருவால் சின்னச் சின்ன பிரச்சனைகள் மட்டுமே வரும் மற்றபடி பெரியளவில் பாதிப்பு இருக்காது. 6-ம் இடத்து குரு ஆத்ம ஞானத்தை தருவதோடு, ஆன்மீக பணிகளிலும் ஈடுபடுத்துவார். நியாய, தர்மங்களை அலசி ஆராய்ந்து அடுத்தவர்களுக்கு அறிவுரை கூறும் திறன் வளரும். உங்களது பேச்சுக்கு மதிப்பும், மரியாதையும் கூடும். பணம் அதிகமாக வந்தாலும் சுப விரைய செலவுகள் ஏற்படும். திருமண வாய்ப்புகள் தாமதப்படும். வரவுக்கு மீறிய செலவுகள் ஏற்படும். உடல் ஆரோக்கியத்தில் கவனம் தேவை. கணவன் மனைவி இருவரும் ஒருவரை ஒருவர் அனுசரித்துச் சென்றால் பிரச்னைகள் ஏதும் வராது. வாழ்க்கைத்துணை வகையில் எதிர்பார்த்த உதவி கிடைக்கும். எதிர்பாராத பழைய கடன்களால் மனக்கவலை உண்டாகும். புதிய கடனை மேற்கொண்டு வாங்காமல் இருப்பது நல்லது. புதியவர்களை நம்பி முடிவு எடுக்கவேண்டாம். உங்கள் வார்த்தைக்கு மதிப்பு, மரியாதையும் கூடும். பண வரவு அதிகரிப்பதால் வீட்டில் சுப நிகழ்ச்சிகள் நடைபெறும். பொருளாதார வளர்ச்சியில் முன்னேற்றம் ஏற்படும். மறைமுக எதிரிகளின் தொல்லை இருக்கும், இருப்பினும் எதிரிகளிடம் சற்று கவனமாக இருக்கவும். ஆரோக்கியமான உணவு வகைகளை எடுத்துக்கொள்ளவும். குடும்பத்தில் ஏற்பட்ட பிரச்சனை தீரும். தூரத்து பயணம் மேற்கொள்ள வேண்டிவரும். யாருக்கும் சாட்சி கையெழுத்து போட வேண்டாம். வண்டி, வாகனங்களில் செல்லும் போது கவனமாக செல்லவும். வாழ்க்கையின் சூட்சமங்களை கற்றுக்கொள்ள முடியும். உத்யோகத்தில் பதவி உயர்வு ஏற்படுவதற்கு நிறைய வாய்ப்புண்டு. வேலை இல்லாதவருக்கு சீக்கிரத்தில் வேலை கிடைக்கும். தொழில்,வியாபாரத்தில் உழைத்த உழைப்பிற்கு ,நல்லதொரு லாபமும், மரியாதையும் கிடைக்கும். இந்த குருப்பெயர்ச்சி நிறைய செலவுகளையும், வீண் அலைச்சல்களையும் தந்தாலும் வெற்றி பெறுவது உறுதி. சொத்து விவகாரங்களில் தொல்லை, கடன் தொல்லை, தொல்லை கொடுத்த வியாதி அத்தனையும் தூசு போல பறந்து விடும். உங்கள் இராசிக்கு 2-ம் இடத்தையும், 10-ம் இடத்தையும், 12-ம் இடத்தையும் குரு பார்வை செய்வதால், உயர் பதவி கிடைக்கும். . செலவுக்கு மேல் வரவு கிடைக்கும். வாக்கு வன்மையால் உங்கள் பேச்சுக்கு பலர் கட்டுபடுவர். குடும்பத்தில் நீண்ட நாட்களாக இருந்த பிரச்னைகளும் சுமுகமாக தீரும். பொதுவாக குடும்பஸ்தானத்தை குரு பார்ப்பதால், திருமண வாழ்க்கை, குடும்பத்தில் சுபகாரியங்கள் பிரமாதமாக நடைபெறும். சிலர், “6-ல் குரு அவஸ்தை கொடுப்பான்” என்று கூறுவார்கள். சரியான வேலை இல்லாதவர்களுக்கு நல்ல வேலை வாய்ப்பும், புதிய தொழில் அல்லது செய்யும் தொழிலில் லாபமும் தரும். சொந்த தொழில் செய்பவர்கள் அதில் முன்னேற்றம் பெற்று நல்ல தொழிலதிபதி என்கிற அந்தஸ்தை பெற முடியும். தொழில் லாபமாக அமையும்.
பரிகாரம் : மனதை கட்டுப்படுத்தி தியானம் செய்வதன் மூலம் நன்மை உண்டாகும்.