இந்த வருடம் 2024 மே மாதம் 1-ம் தேதி குரு பகவான், உங்கள் இராசிக்கு பஞ்சமத்தில் அதாவது 5- ல் பெயர்ச்சியாகிறார். 3 – 12 க்குரிய குரு, 5-ல் அமர்ந்து ஜென்மத்தையும், பாக்கியஸ்தானத்தையும், லாபஸ்தானத்தையும் பார்வை செய்கிறார். குரு ராசிக்கு 5ல் மாறுவது மிகவும் ஒரு சிறப்பான நிலை. குடும்பத்தில் மகிழ்ச்சியை தருவார். திருமணம் போன்ற சுப நிகழ்ச்சிகளை நடத்தி வைப்பார். பொருளாதார வளத்தை அதிகரிக்க செய்வார். பெண்களால் மேன்மை நிலை உண்டாக்க. பழைய வீட்டை புதுபித்தல், வாடகை வீட்டில் வசதி இல்லாத வாழும் சிலர், சொந்த வீடு வாங்கும் யோகத்தை பெற போகிறீர்கள். எதிர்பாரா தனவரவு, தேவையான பணவசதி கிடைக்கும். பலர் உங்களுக்கு உதவ முன் வருவார்கள். அரசாங்க வழியில் ஆதாயம் உண்டு. அதேசமயம் தேவை இல்லா செலவுகளும் வரும். மனதில் தன்னம்பிக்கை வளரும். முடியாத காரியத்தையும் முட்டிமோதி வெற்றி காண முடியும். மனதில் இருந்த குழப்ப நிலை நீங்கி தெளிவு பிறக்கும். குழந்தை பாக்கியம் கிட்டும். மேல்படிப்பு தடைபட்டிருந்தால் அதை படிக்கும் அருமையான காலம் இது. 5-ம் இடம் என்பது குருவிற்கு சிறப்பான ஒரு இடம். 5-ம் இடம் என்பது சிந்தனையை பற்றி சொல்லும் ஸ்தானம் என்பதால் அங்கு வர உள்ள குரு பகவான் மனதில் நற்சிந்தனையை தோற்றுவிப்பார். மேலும் சிறப்பு பார்வை ராசியின் மீது விழுவதால் மனதில் தோன்றும் புதுமையான எண்ணங்களை உடனுக்குடன் செயல்படுத்தி வெற்றி பெற முடியும். உங்கள் காரியத்தில் கண்ணும் கருத்துமாக இருப்பீர்கள். அடிப்படை வசதிகள் பெருகும். குடும்பத்தில் மகிழ்ச்சி போன்ற எல்லா வகையான நன்மைகளும் கிடைக்கும். குடும்ப உயர்வுகள் சீராகும். உடலிலும் மனதிலும் புது தெம்பு பிறக்கும். எங்கும் எப்போதும் உற்சாகமாக இருக்க முடியும். நினைத்த காரியங்கள் நினைத்தபடியே நிறைவேறும். எந்த ஒரு செயலையும் உடனுக்குடன் நிறைவேற்ற முடியும். வீடு, வாகனப் பராமரிப்புச் செலவுகள் குறையும். சிலருக்கு சொந்தமாக வீடு வாங்கும் யோகம் உண்டாகும். புது வண்டி, வாகனம் வாங்க முடியும். திருமண காரியம் நடைபெறும். சுப செலவுகள் கூடுதலாகும். பழைய பிரச்னைகளுக்குத் தீர்வு கிடைக்கும். உடல் ஆரோக்கியம் மேம்படும். சிலருக்கு குழந்தை பாக்கியம் கிடைக்கும். பழைய சொந்த பந்தங்கள் மீண்டும் வந்து இணைவர். கணவன் - மனைவிக்கு இடையில் அந்நியோன்யம் அதிகரிக்கும். உணவு விஷயத்தில் கட்டுப்பாடு அவசியம். எதிரிகள் உங்களிடம் இருந்து ஒதுங்கிய நிற்பர். நட்பு வழியில் கவனம் தேவை. தாயாரின் உடல் நலம் சீராகும். வழக்குகளில் சாதகமான தீர்ப்பு வரும். புதிய சொத்து சேர்க்கையும் ஒரு சிலருக்கு அமையும். விலகிச் சென்ற உறவினர்களும் நண்பர்களும் மீண்டும் வந்து பேசுவார்கள். குடும்பத்தினருடன் சென்று குலதெய்வப் பிரார்த்தனையை நிறைவேற்றுவீர்கள். வாழ்க்கையில் நல்ல திருப்பங்கள் ஏற்படும். உத்யோகத்தில் சக ஊழியர்களிடம் கவனமாக இருக்கவும். உத்யோகத்தில் அதிக ஆர்வம் கூடும். தொழில், உத்யோகம் சிறப்புடன் அமையும். தொழில் துறையில் வெளிநாட்டு வேலை வாய்ப்பு வரும். சிலருக்கு வெளிநாட்டு பயணம் அமையும். வெளிநாடு தொடர்புடைய நிறுவனத்தில் வேலை கிடைக்கும். தொழில், வியாபாரம் தொடர்பாக நிறைய தொடர்புகள் கிடைக்கும். பகைவர்களையும் பணிய வைக்கலாம். வளமான வசதிகள் ஏற்படும், கவலையே வேண்டாம். இந்த குருபெயர்ச்சியில் பல நன்மைகளும், எதிர்பாராத திடீர் அதிர்ஷ்டங்களும் ஏற்படும்.
பரிகாரம் : வியாழக்கிழமையில் ஏழைகளுக்கு தானம் செய்யவும்