இந்த வருடம் 2024 மே மாதம் 1-ம் தேதி குரு பகவான் ரிஷப இராசியில் அதாவது உங்கள் ஜென்ம ராசியில் அமர்கிறார். அங்கிருந்து பூர்வ புண்ணியஸ்தானம் என்கிற 5-ம் இடம், களத்திரஸ்தானம் என்கிற 7-ம் இடம், பாக்கியஸ்தானம் என்கிற 9-ம் இடம் போன்ற இவ்விடங்களை பார்வை செய்கிறார். ஜென்ம ராசியை குரு கடக்க போகும் குரு ஒரு வருட காலம் சிறப்பாக இருக்கும். பொதுவாக “ஜென்ம குரு நன்மை இல்லை” என்பார்கள். ஆனாலும் உங்கள் ரிஷப இராசிக்கு குரு பகவான், 8 மற்றும்11 இடத்துக்கு அதிபதி. இந்த குரு பெயர்ச்சியால் எந்த ஒரு விஷயமும் நீண்ட இழுபறிக்கு பின்னரே உங்களுக்கு சாதகமாக நடக்கும். குரு 1ம் இடத்தில் இருக்கும் போது கழகம் விரோதம் வரும் என்றும் மந்த நிலை ஏற்படும் என்றும் பொதுவாக சொல்வது உண்டு, அனாலும் கவலை வேண்டாம் குரு சாதகமற்ற நிலையில் இருந்தாலும் அவரது அனைத்து பார்வைகளும் சிறப்பாக உள்ளது. குருவின் பார்வைக்கு கோடி நன்மை உண்டு. சொத்துக்கள் வாங்க வைப்பார். திருமணம் ஆகாதவர்களுக்கு திருமணம் செய்து வைப்பார். திருமணம் ஆனவர்களுக்கு மனைவியால் யோகத்தை உண்டாக்க செய்வார். தெய்வ காரியங்களில் அதிக ஈடுபாடு உண்டாக்குவார். வெளிநாடுகளுக்கு செல்லும் வாய்ப்பும், அதனால் பலனும் கிடைக்கச் செய்வார். உடல்நலனில் மட்டும் சற்று கவனம் தேவை. அடுத்தவர்களுக்கு ஜாமீன் கையெழுத்து போடும் விஷயத்தில் எச்சரிக்கையாக இருக்க வேண்டும் வெளிநாடு சம்பந்தப்பட்ட அணைத்து விஷயங்களும் உங்களுக்கு கைகொடுக்கும். வெளிநாடு சென்று வரும் வாய்ப்பு வரும். பயணங்களால் ஆதாயம் உண்டு. பொறுப்புகளும், கடமை உணர்வுகளும் அதிகரிக்கும். பண வரவு அதிகமாகும், செலவுகள் படிப்படியாக குறையும். பொருளாதார ரீதியாக மிக பெரிய வளர்ச்சியை எதிர்பார்க்கலாம். மறைமுக வழியில் தன லாபங்கள் இருக்கும். தர்ம காரியங்கள் செய்ய முடியும். குடும்ப வாழ்க்கை மகிழ்ச்சிகரமாக இருக்கும். சொந்த பந்தங்களால் ஒரு சிலருக்கு டென்ஷன் ஏற்படும். உறவினர்களிடம் தேவையற்ற பேச்சுகளை தவிர்க்கவும். வண்டி, வாகனங்களில் மிகுந்த கவனம் தேவை. குடும்பத்தில் பலரும் அனுசரணையாக இருப்பார்கள். சிலருக்கு வீடு, மனை அமையும். திருமண முயற்சிகள் சாதகமாகும். புதிதாக திருமணம் ஆனவர்களுக்கு மகிழ்ச்சியான வாழ்க்கை அமையும். கணவன் மனைவி உறவு வலுப்பெறும். குழந்தை இல்லாதவர்களுக்கு விரைவில் புத்திர பாக்கியம் கிட்டும். உங்கள் தாய் வழியில் தன வரவு வரும். உறவினர், நண்பர்களால் அன்பு தொல்லை அதிகரிக்கும். பணம் கொடுக்கல் வாங்கலில் கவனமாக இருக்கவும். கடன் வாங்க வேண்டிய சூழ்நிலை இருக்கும். பூர்விக சொத்து வகையில் ஒரு சில பிரச்சனைகள் வாய்ப்புண்டு. வெளிவட்டாரத்தில் மதிப்பு கூடும். தியானத்தால் மன நிம்மதி கிடைக்கும். குல தெய்வ வழிபாடு மூலம் சிறப்பான பலனை பெற முடியும். எடுத்த காரியங்கள் வெற்றி பெறும். கூடுமானவரை உங்களை சுற்றி இருப்பவர்களை அனுசரித்து செல்வது நல்லது. அடுத்தடுத்து வேலைச் சுமை இருந்து கொண்டே இருக்கும்.பணம் சேமிக்க வேண்டும் என்ற எண்ணம் வரும். சிலருக்கு உடல் ஆரோக்கியம் பாதிக்கப்படக்கூடும். புதிய திட்டங்களில் பொறுமையும், நிதானமும் தேவை. உத்யோகத்தில் வர வேண்டிய பழைய பாக்கி தொகை விரைவில் கைக்கு வரும். குரு பகவான் கூட்டு தொழில் அமைய வழி செய்வார். சொந்தமாக தொழில், செய்து வருபவர்களுக்கு பெயர், புகழ் கிடைக்கும். இந்த குரு பெயர்ச்சியில் ஜென்ம குரு சுமாரான பலன்கள் தந்தாலும் கெடுதல் எதையும் குரு பகவான் செய்ய மாட்டார்.
பரிகாரம் : குரு பகவானை வியாழக்கிழமைகளில் சென்று வணங்கி வரலாம்.