மகர ராசி நேயர்களே : கடந்த ஒன்றை ஆண்டுகளாக உங்கள் ராசிக்கு 4ம் இடமான, சுக ஸ்தானத்தில் ராகு பகவான், உங்கள் ராசிக்கு பத்தாம் இடமான ஸ்தானத்தில் கேது பகவான் சஞ்சரித்து உங்கள் நிலையில் நிறைய குழப்பங்களையும், பிரச்சனைகளையும் உண்டாக்கி வந்தார்கள். இந்த நிலையில் தான் 08.10.2023 அன்று ராகு பகவான் உங்கள் ராசிக்கு மூன்றாம் இடமான தைரிய, வீரிய ஸ்தானத்திற்கும் - கேது பகவான் ராசிக்கு ஒன்பதாம் இடமான பாக்கிய ஸ்தானத்திற்கும் பெயர்ச்சியாகி 26.04.2025 வரை அங்கிருந்து அடுத்த ஒன்றை ஆண்டுகளுக்கு பலன்களை தந்திட உள்ளனர். உங்களின் எண்ணங்கள், செயல்பாடுகளில் புதுமையும், புத்துணர்ச்சியும் உண்டாகும். தன வரவிலிருந்த இழுபறிகள் நீங்கி, பண வரவு இருக்கும்.
இதனால் சற்று கூடுதலான அலைச்சலை சந்திக்க வேண்டியிருக்கும். நீங்கள் நினைத்தது நிறைவேறும் பெயர்ச்சியாக அமையும். மனதினில் அவ்வப்போது விரக்தியான எண்ணங்கள் தோன்றும். எப்போதும் ஒரே மனநிலையுடன் இருக்க கற்றுக் கொள்ளவும். நீங்கள் விரும்பியது கிடைக்காவிட்டாலும், கிடைத்ததை விரும்பினால் வெற்றி நிச்சயம். தடைப்பட்ட சுப காரியங்கள் தடை விலகி இனிதாக நடைபெறும். குழந்தை இல்லாதவர்களுக்கு விரைவில் புத்திர பாக்கியம் கிட்டும். வீடு, வாகனம் வாங்கும் யோகம் உண்டாகும். புதிதாக எடுத்த முயற்சிகள் அனைத்திலும் வெற்றி கிட்டும். பூர்விக சொத்துக்கள் மூலம் நல்ல லாபம் வரும். பெற்றோருடன் கருத்து வேறுபாடு ஏற்பட வாய்ப்பு உண்டு. குடும்பப் பெரியவர்களின் உடல்நிலையில் கவனம் செலுத்தவும். உடல்நிலையில் கூடுதல் கவனம் செலுத்த வேண்டியது அவசியம். கணவன் மனைவிடையே ஒற்றுமை பலப்படும். பயணங்களால் அனுகூலம் உண்டாகும். குடும்பத்தில் சுபிட்சமான நிலை உண்டாகும். பொருளாதார நிலை சீராக இருக்கும். கடன் தொல்லையிலிருந்து விடுபடக்கூடிய வாய்ப்புகள் அமையும்.

சொத்து வகையில் ஒருசில இழப்புகளைக் காண நேரிடும். பொதுநல தொண்டில் ஆர்வம் ஏற்படும். தர்ம காரியங்கள், ஆன்மிகப் பணிகளில் ஆகியவற்றில் முன்நின்று செயல்படும் வாய்ப்புகள் உருவாகும். ராகுபகவான் சஞ்சார நிலை மனதில் புது தைரியத்தினை உருவாக்கும். முக்கியமாக முடிவெடுக்க வேண்டிய தருணங்களில் அவசரம் காட்டாமல் பொறுமையாக உங்கள் காரியத்தை சாதித்துக்கொள்ளவும்.
எந்த சூழ்நிலையிலும் அவசரப்படாமல் நிதானம் காப்பது நல்லது. ராகு, மூன்றாவது ஸ்தானத்தில் அமர்வதால் உடன்பிறந்தோருடன் கருத்து வேறுபாடு, சொத்துப் பிரச்னைகள் வர வாய்ப்பு உண்டு. ராகு சற்று சிரமத்தைத் தந்தாலும் பண வரவை ஏற்படுத்தி பொருளாதார நிலையை உயர்த்துவார்.

உத்யோகத்தில் பணிகளை விரைந்து முடிக்க வேண்டிவரும். அயல்நாட்டு வாய்ப்புகள் தேடி வரும். உத்யோகத்தில் உயர்வான நிலை ஏற்படும். ஒரு சிலருக்கு தொழில் காரணமாக குடும்பத்தினரை விட்டுப் பிரிந்திருக்க வேண்டிய சூழ்நிலை உருவாகும். உத்தியோகம், தொழில், சார்ந்த செயல்களில் சிந்தித்துச் முடிவெடுப்பதன் மூலம் மேன்மை உண்டாகும். தொழில், வியாபாரத்தில் இருந்த தடைகள் நீங்கி, வெற்றியும், லாபமும் கிடைக்கும். வெளியூர், வெளிநாட்டு தொடர்புடைய வாய்ப்புகளும் கிடைக்கும். தொழில், வியாபாரத்தில் இதுவரை ஏற்பட்ட நஷ்டங்களை ஈடு கட்ட முடியும்.

ராகுவின் இடமாற்றம் உங்கள் மனதில் அசாத்தியமான தைரியத்தை இடம்பெறச் செய்யும். அடுத்தவர் செய்யத் தயங்கும் காரியத்தினை எவ்வித தயக்கமுமின்றி சாதாரணமாகச் செய்து முடிக்க முடியும். நிலுவையில் இருந்து வரும் குலதெய்வ வழிபாடு, நீண்ட நாள் பிராத்தனையை நிறைவேற்றுவது போன்றவற்றை இந்த வருடத்தில் செய்து முடிப்பது சிறப்பு. மொத்தத்தில் இந்த ராகு-கேது பெயர்ச்சி, உங்களுக்கு சமூகத்தில் நல்ல அந்தஸ்தை பெற்று தருவதாக அமையும்.