ரிஷப ராசி நேயர்களே: கடந்த ஒன்றை ஆண்டுகளாக உங்கள் ராசிக்கு 12-ம் இடமான விரைய ஸ்தானத்தில் ராகு பகவான், ராசிக்கு ஆறாம் இடமான சத்ரு ஸ்தானத்தில் கேது பகவான் சஞ்சரித்து உங்கள் நிலையில் ஏற்றம், மாற்றம் என்று பல்வேறு நிலைமைகளை உருவாக்கி இருப்பார்கள். இந்த நிலையில் தான் 08.10.2023 அன்று ராகு பகவான் உங்கள் ராசிக்கு பதினொன்றாம் இடமான லாப ஸ்தானத்திற்கும், கேது பகவான் ஐந்தாம் இடமான பூர்வ புண்ணிய ஸ்தானத்திலும் சஞ்சரித்து, இவர்கள் இருவரும் 26.04.2025 வரை அங்கிருந்து பலன்களை வழங்க உள்ளனர். இந்த ராகு கேது பெயர்ச்சி உங்கள் வாழ்வியல் நிலையில் முன்னேற்றமான மாற்றத்தினை உண்டாக்கும். புதிய முயற்சிகளில் வெற்றி கிடைக்கும். அடுத்தவருக்கு கொடுத்த வாக்கை காப்பாற்ற முடியும். சவாலான காரியங்களையும் சாதாரணமாக செய்து முடிக்க முடியும். குடும்பத்தில் அமைதியும், சந்தோஷமும் பெருகும். உங்கள் வார்த்தைக்கு மற்றவர்கள் முக்கியத்துவம் தருவர். மனதில் நல்ல சிந்தனைகளை கேது உருவாக்குவார். சாஸ்திர, சம்பிரதாயங்களில் அதிக ஈடுபாடு ஏற்படும். ஆன்மீக ஞானம் உண்டாகும். கேதுவின் துணையுடன் எந்த ஒரு விஷயத்தையும் ஒருமுறைக்கு இருமுறை யோசித்து செய்யவும். மனப்பக்குவம் உண்டாகும். உடல் ஆரோக்கியத்தில் அடிக்கடி பாதிப்புகள் உண்டாகும். உங்கள் அன்றாட பணிகளில் சுறுசுறுப்புடன் செயல்பட முடியும். குடும்பத்தில் எதிர்பாராத மருத்துவ செலவுகள் வரும். சொத்துக்களால் லாபம் வரும். உற்றார் உறவினர்களை அனுசரித்து செல்ல வேண்டியிருக்கும். பண வரவுகளில் சுமாரான நிலையே இருக்கும். ஆடம்பர செலவுகளை குறைத்துக் கொள்வது நல்லது. கொடுக்கல் வாங்கலில் பெரிய தொகையை ஈடுபடுத்த வேண்டாம். கணவன் மனைவிடையே இருந்த பகைமை நீங்கும். குடும்பத்தில் வரவு செலவுகள் கட்டுக்குள் இருக்கும். திருமணம் போன்ற சுப காரிய முயற்சிகளில் தாமத நிலை உண்டாகும். பூர்விக சொத்து வழியில் வீண் செலவுகள் ஏற்படும். புத்திரர் வழியில் மகிழ்ச்சி குறைவு ஏற்படலாம். நீங்கள் நல்லதாக நினைத்து செய்யும் காரியங்களும் உற்றார் உறவினர்களுக்கு தேவையற்ற பிரச்சனைகளை உண்டாக்கும். பிறரை நம்பி எந்த ஒரு வாக்குறுதியும் தர வேண்டாம்.
ஒரு சில நேரங்களில் மனதில் வீண் கற்பனைகளும், தேவையற்ற பயமும் தோன்றக்கூடும். ஆன்மிகச் சிந்தனை அதிகரிக்கும். புண்ணிய காரியங்களில் பாக்யம் கிட்டும். உங்களை சுற்றியுள்ளோரிடம் நல்லவிதமாகப் பழகினால் அவர்களிடம் நற்பெயரை பெற முடியும். கேது ஐந்தாம் இடத்தில் வந்து அமர்வதால் பூர்வ புண்ணிய பாக்கியங்கள் கிட்டும். உங்கள் புத்திரர்களுக்கு ஆலோசனைகளும், அரவணைப்பும் அவர்களுக்குத் தேவைப்படும்.
11ம் இடத்தில் வந்து அமரவுள்ள ராகு உங்கள் செயல்களில் அசாத்தியமான வெற்றியைப் பெற்றுத் தருவார். மனதில் நினைத்ததை செயல்படுத்த முடியும். கேதுவினால் விவேகமும், ராகுவினால் வேகமும் இணைவதால் எல்லா விஷயங்களிலும் சாதகமான பலன் கிடைக்கும். ராகு லாப ஸ்தானத்தில் அமர்வதால் சிறப்பான தனலாபம் உண்டு.
உத்யோகத்தில் ஏற்பட்ட கருத்து மோதல்கள் நீங்கும். உத்யோகத்தில் எப்போதும் கவனமுடன் செயல்படவும். உத்யோக வேலையை சிறப்பாக செய்ய முடியும். தொழில் முறையில் கூடுதலான அலைச்சல் உண்டாகும். தொழில், வியாபாரத்தில் மந்த நிலை காணப்படும். கூட்டு தொழில், வியாபாரத்தில் கவனமாக இருக்கவும்.
பல்வேறு வழிகளில் பொருள் வரவு இருந்து வரும். சேமிப்புகள் உயரும். பூர்வீக சொத்துக்களில் இருந்து வந்த பிரச்னைகள் விலகி ஆதாயம் காண முடியும். 11ம் இடத்து ராகு அயல்நாட்டுப் பிரயாணத்திற்கான வாய்ப்புகளை ஏற்படுத்தித் தருவார். பெண்கள் வழியில் ஒரு சில நன்மைகள் உண்டு. மொத்தத்தில் வருகின்ற ஒன்றரை வருட காலமும் சிறப்பான நற்பலன்களைத் தரும் வகையில் அமைந்துள்ளது.