கடக ராசி நேயர்களே, இது வரை உங்கள் ராசிக்கு 7ம் இடமான களத்திர ஸ்தானத்தில் இருந்த சனிபகவான் வரும் ஜனவரி 17ம் தேதி முதல் 8ம் இடமான அஷ்ட ஸ்தானத்திற்கு மாறுகிறார். கடந்த இரண்டரை ஆண்டுகளில் பல மனக்குழப்பங்களும், விரயங்களும் தந்திருக்கும். சனி 3,7,10ம் பார்வையாக 10ம் இடத்தையும், 10ம் இடத்தையும், 2ம் இடத்தையும், 5ம் இடத்தையும் பார்க்கிறார். இதுநாள் வரை கண்டச்சனியாக இருந்து கஷ்டங்களைக் கொடுத்தார் இனி எட்டாம் வீட்டில் அஷ்டம சனியாக அமரப்போகிறார். 8ம் வீட்டு அதிபதி சனி எட்டில் ஆட்சி பெற்று அமர்வது ஒரு வகையில் நல்லது தான். இனி வரும் இரண்டரை ஆண்டுகளில் சனி பகவானால் பெரிய நன்மைகள் கிடைக்க வாய்ப்பு குறைவு. புதிய செயல்கள் ஏதும் செய்யாமல் இருப்பதே நல்லது. பணம் கொடுக்கல் வாங்கல் விவகாரங்களில் தலையிட வேண்டாம். குடும்பத்தில் ஒரு சில மருத்துவச் செலவுகள் வரும். பணத்தை சேமிக்க பார்க்கவும். தெய்வபலம் கூடும். குடும்பத்தில் மதிப்பும், மரியாதையும் இருக்கும். உங்களுடைய ஆலோசனையை மற்றவர்கள் ஏற்றுக்கொள்வர். அடிக்கடி உணர்ச்சி வசப்பட்டு பேசுவதை தவிர்க்கவும். வெளியிடங்களில் நீங்கள் பேசும் போது ஒருமுறைக்கு இருமுறை யோசித்துப் பேசவும். ஒரு சிலருக்கு வீடு மாற்றம் ஏற்படும். உங்களுக்கான நல்ல நேரம் வரும்வரை பொறுமையாக காத்து இருக்கவும். குலதெய்வப் பிரார்த்தனைகள் நிறைவேறும். சிலருக்கு பயணங்களால் ஆதாயம் உண்டு. பெற்றோர்கள் வழியில் ஆதரவு கிடைக்கும். உறவினர்களுடன் சுமுக நிலையை கடைபிடிக்க வேண்டியது அவசியம். உடன்பிறப்பு வகையில் பண விரையம் ஏற்படும். ஆன்மீக எண்ணம் மேலோங்கும். உங்களை எதிர்த்து நின்றவர்களை ஒதுக்கி வைப்பீர்கள். புதிய ஆடை, ஆபரண பொருள் சேர்க்கை உண்டாகும். குடும்பத்தில் அனாவசியச் செலவுகளை தவிர்த்து சேமிக்க தொடங்கவும். உடல் ஆரோக்கியம் சீராக இருக்கும். மனதில் தெளிவு நிலை உண்டாகும். புது நட்பு வட்டாரம் உருவாகி அவர்கள் மூலம் நன்மைகள் கிடைக்கும். புதிய வீடு, வாகனம் வாங்க எடுக்கும் முயற்சிகள் வெற்றி பெறும். இழுபறியில் இருந்த காரியங்கள் துரிதமாக நடக்கத் தொடங்கும். தான தர்ம காரியங்களில் மனம் ஈடுபாடுகொள்ளும். இதுவரை உங்களின் முயற்சிகள் அத்தனையும் தடுத்து நிறுத்திக் கொண்டு இருந்தவர் விலக போகிறார். பொருளாதார நிலை சாதகமாக இருக்கும். வீண் செலவுகளால் தேவையற்ற நெருக்கடிகள் ஏற்படும். மற்றவருக்கு வாக்குறுதி கொடுப்பது, பிறரை நம்பி ஒரு காரியத்தில் ஈடுபடுவது போன்ற விஷயங்களில் ஒருமுறைக்கு பலமுறை யோசித்து செயல்படுவது நல்லது. தேவையில்லாத வம்பு, வழக்குகளால் வீண்செலவுகள் ஏற்படும். சனி அஷ்டமத்தில் சஞ்சரிக்கும் இக்காலத்தில் ஆண்டுக்கோளான குரு பகவான் உங்கள் ராசிக்கு 22.4.2023 வரை பாக்கிய ஸ்தானத்திலும், 1.5.2024 முதல் 14.5.20225 வாராயோ லாப ஸ்தானமான 11ம் வீட்டிலும் சஞ்சாரம் செய்ய இருப்பது ஒரு சிறப்பான அமைப்பு என்பதால் இக்காலங்களில் உங்களின் அணைத்து தேவைகளும் பூர்த்தியாகும். குடும்பத்தில் சுபகாரியங்கள் எளிதில் கைகூடும். வரும் 30.10.2023 முதல் 18.05.2025 வரை முயற்சி ஸ்தானமான 3ல் கேது சஞ்சரிக்க இருப்பது அனுகூலமான அமைப்பு என்பதால் இக்காலங்களில் நீங்கள் செய்யக்கூடிய செயல்களுக்கு நல்ல ஆதரவு கிடைக்கும்.

உத்யோகத்தில் மேலதிகாரிகளின் கெடுபிடிகள் குறையும். உத்யோகத்தில் ஒரு சில பிரச்சனைகளும் வரலாம். உடன்பணிபுரிபவர்களிடம் எச்சரிக்காக பழக வேண்டும். உத்யோகத்தில் விருப்பமில்லாத இடமாற்றம் வரும். தொழில், வியாபாரத்தில் நல்ல வாய்ப்புகள் கிடைக்கும். தொழில், வியாபாரத்தில் லாபம் குறைவாக இருக்கும். தொழில், வியாபாரத்தில் பொருளாதார நெருக்கடிகள் வரும். யாருக்கும் ஜாமின் கையெழுத்து போட வேண்டாம். கோர்ட், கேஸ் என அவ்வப்போது பிரச்சனைகள் வரும்.

பரிகாரம் : சிவ மந்திரத்தைச் சொல்லுதலும், விஷ்ணுவின் சகஸ்ரநாமம் படிப்பதால் ஏற்பட்ட தடைகள் நீங்கி மன நிம்மதி கிடைக்கும்.