மிதுன ராசி நேயர்களே, இது வரை உங்கள் ராசிக்கு 8ம் இடமான அஷ்டம ஸ்தானத்தில் அமர்ந்து பல இன்னல்களை கொடுத்து இருப்பார். ஜனவரி மாதம் 17ம் தேதி வரக்கூடிய சனிப்பெயர்ச்சி உங்கள் ராசிக்கு 9ம் இடத்துக்கு வருவது ஒரு ஆறுதலான விஷயம் தான். இந்த சனி பெயர்ச்சியானது உங்கள் ராசிக்கு மத்திம பலனை வழங்கும். இதனால் இனி வரக்கூடிய ஏழரை ஆண்டுகள் சனிபகவானால் யோக பலன்களை அடைய முடியும். சனி பகவானின் பார்வை 3,7,10ம் பார்வைகள் 11,3,6-ம் இடங்களில் பதிவால் இடமாற்றம், வீடு மாற்றம், வெளியூர் மாற்றம், பதவி மாற்றம், தொழில் மாற்றும். வியாபாரம் மாற்றம், வேலை மாற்றம் போன்றவற்றை கொடுத்து உங்களை உயர்த்திவிடுவார். தன் 3,7,10ம் பார்வையாக 10 இடத்தையும், 2ம் இடத்தையும், 5ம் இடத்தையும் பார்க்கிறார். மிதுன ராசிக்கு அஷ்டம சனி முடிந்து பாக்கிய சனி தொடங்குகிறது. இனி சனி பகவானால் யோகங்கள் அதிகம் கிடைக்கும் என்று தான் சொல்ல வேண்டும். இது வரை இருந்து வந்த எல்லா சாதகமற்ற நிலைகளும் இந்த சனி பெயர்ச்சி மூலம் நீங்க போகிறது. நீங்கள் தொட்ட காரியம் துலங்கும். உங்களுக்கு இனி மேல் தான் எல்லா விதமான நல்ல பலன்களும் கிடைக்க போகிறது. இந்த கால கட்டத்தில் சில பிரச்சினைகளை எதிர்கொண்டாலும் அவை உங்களுக்கு சாதகமாகவே முடியும். உங்கள் ராசிக்கு அனைத்து பாக்கியங்களையும், நன்மைகளையும் தர போகிறார் சனி. பண விஷயத்தில் புது நபர்கள் யாரையும் நம்ப வேண்டாம். பொருளாதார நிலையில் ஏற்ற தாழ்வுகள் இருக்கும். குடும்ப விஷயங்களில் அவசரப்படாமல் நிதானமாக கையாளவும். ஆடம்பர செலவுகளால் கடன் வாங்க வேண்டிய சூழல் உருவாகும். எதிர்பார்த்த உதவிகள் கிடைக்க தாமதமாகும். நீங்கள் வெளியில் கொடுத்த பணம் கைக்கு சரியான நேரத்தில் வராது. கணவன் மனைவி உறவில் இருவரும் அனுசரித்து போவது நல்லதும். வாழ்க்கைத்துணையின் ஆலோசனை உதவியாக இருக்கும். குடும்பத்தில் உங்கள் மதிப்பு, மரியாதை உயரும். ஆன்மிகத்தில் அதிக நம்பிக்கை உண்டாகும். உழைப்பு கூடினாலும் அதற்கேற்ற வருமானம் கிடைக்கும். பழைய கடன்களையும் அடைக்க முடியும். பகைவர்களால் இருந்து வந்த தொல்லைகள் இப்போது இருக்காது. சொத்து வழக்கில் சாதகமான தீர்ப்பு வரும். புது வீடு, நிலம் போன்றவற்றை வாங்கும் போது நன்கு விசாரித்து வாங்கவும், ஏன் எனில் அதில் ஒரு சில வில்லங்கம் வர வாய்ப்புள்ளது. உடன்பிறப்பு வகையில் எந்த ஒரு உதவியும் எதிர்பார்க்க வேண்டாம். குடும்ப பெரியோர்களின் ஆலோசனை கேட்டு நடப்பது நல்லது. கொடுத்தவாக்கை காப்பாற்றுவதில் எந்த சிக்கலும் இல்லை. கொடுக்கல் வாங்கல் விஷயங்கள் நல்ல பலனளிக்கும். குடும்பத்தில் தவிர்க்க முடியாத மருத்துவ செலவுகள் வரும். உறவினர்களிடம் கருத்து வேறுபாடுகள் வரலாம். வெளியில் அனாவசிய பேச்சை தவிர்க்கவும். எந்த ஒரு காரியத்தையும் ஒரு சில சிரமத்திற்கு பின்னரே முடிக்க முடியும். பணவரவுக்கு எந்தக் குறையும் உண்டாகாது. வெளியில் கொடுத்த பணம் கைக்கு திரும்ப வரும். திருமணம் போன்ற சுப காரியங்கள் நடக்கும். குழந்தை இல்லாதவர்களுக்கு குழந்தை பாக்கியம் கிட்டும். பெற்றோர்களின் ஆதரவும் அரவணைப்பும் கிடைக்கும். தேவையற்ற பயணங்களை தவிர்க்கவும். சமூகத்தில் உங்கள் அந்தஸ்து உயரும். வரும் வாய்ப்புகளை சரியான விதத்தில் பயன்படுத்திக்கொள்ளவும். சனிபகவான் 9ல் சஞ்சரிக்கும் இக்காலகட்டத்தில் ஆண்டுகோள் என வர்ணிக்கப்படக்கூடிய குருபகவான் லாப ஸ்தானமான 11ம் வீட்டில் 22.5.2023 முதல் 1.5.2024 வரை சஞ்சாரம் செய்யவிருப்பது மிகவும் அற்புதமான யோகம். சர்ப கிரகமான ராகு உங்கள் ராசிக்கு லாப ஸ்தானத்தில் 30.10.2023 முடிய சஞ்சரிப்பது அற்புதமான அமைப்பாகும்.

உத்யோகத்தில் விரும்பிய இடம் மாற்றம் கிடைக்கும். உயரதிகாரிகளின் பாராட்டு கிடைக்கும். உடன்பணிபுரிபவர்களின் ஒத்துழைப்பு நல்ல விதமாக இருக்கும். உத்யோகத்தில் பணியிடை நீக்க பட்டவர்களுக்கு மீண்டும் பணியில் சேரும் வாய்ப்பு வரும். தொழில், வியாபாரத்தில் நல்ல முன்னேற்றத்தை அடைய முடியும். தொழில், வியாபாரத்தில் இருந்த எதிரிகள் ஒதுங்குவர். புதிய தொழில் ஒன்றை தொடங்க வாங்கி கடன் கிடைக்கும்.

பரிகாரம் : குலதெய்வ வழிபாடு சிறப்பான பலனை தரும்.