இனிய ஆங்கில புத்தாண்டு 2024-ல் அடி எடுத்து வைக்கும் சிம்ம ராசி அன்பர்களே, இவ்வாண்டு உங்களுக்கு நடைபெறவிருக்கும் பலன்களை பார்ப்போம். 2024ஆம் வருடம் லாபகரமானது. உங்கள் வாழ்க்கை அனைத்து வகையிலும் சிறப்பாக அமையும். மே மாதத்திற்கு முன்பு நல்ல காலம் இருக்கும். உங்கள் துணையுடனும் மற்றவர்களுடனும் இணக்கமான சூழல் உருவாகும். உங்கள் பொருளாதார நிலையை பொறுத்தமட்டில் செல்வம் பெருகும். சென்ற வருடம் உடல் ஆரோக்கியம் மற்ற எல்லா விஷயத்திலும் சரி நீங்கள் பட்ட கஷ்டம் கொஞ்சம் நஞ்சம் அல்ல, அனால் இந்த ஆண்டு நிச்சயம் அப்படி இருக்காது. உங்களுக்கு பெரியளவில் நல்லது நடக்காவிட்டாலும் கெடுதல் நிச்சயம் நடக்காது. ஆண்டின் ஆரம்ப மாதங்களில், குரு 9ஆம் வீட்டில் இருக்கும். இந்த நேரத்தில் அதிர்ஷ்டம் உங்களுடன் இருக்கும். பணம் சம்பந்தமான பிரச்சனைகளும் நீங்கும். இந்த நான்கு மாதங்களில் ஆன்மீக பயணங்கள் மேற்கொள்ள முடியும். மே மாதத்திற்குப் பிறகு, குரு 10ம் வீட்டிற்குள் நுழைவார். இந்த நேரத்தில், தொழில் சம்பந்தமாக எந்த சிறப்பு பிரச்சனையும் இருக்காது, ஆனால் புதிய மாற்றங்கள் பற்றி விரைவான முடிவுகளை எடுப்பதை தவிர்க்கவும். இந்த வருடம் முழுவதும் ராகுவிடம் கவனமாக இருக்க வேண்டும். ராகு உங்கள் 8வது வீட்டில் சஞ்சரிப்பதால், சிறு சிறு விபத்துகள் அல்லது குடும்பத்தாருடன் சண்டை சச்சரவுகள் அடிக்கடி நிகழும். பெரும்பாலும் நீங்கள் குடும்பத்தை விட்டு வெளியேறுவது போல் உணர்வு ஏற்படும். ஆனால் இவை அனைத்திற்கும் மத்தியில், நல்ல விஷயம் என்னவென்றால், நீங்கள் சில திடீர் பண ஆதாயத்தையும் பெறலாம். இந்த ஆண்டின் நடுப்பகுதியில் நீங்கள் மிகவும் நல்ல நிலையில் இருக்க முடியும். இருப்பினும், வியாபாரத்தில் கவனமாக இருக்க வேண்டிய நேரம் இது. இந்த ஆண்டு முழுவதும் சனி உங்கள் 7ம் வீட்டில் இருப்பதால் பெரிய முடிவுகளை உடனடியாக எடுக்க வேண்டாம். நீங்கள் வியாபாரத்தில் புதிதாக ஏதாவது செய்ய விரும்பினால், ஏப்ரல் மாதத்திற்குப் பிறகு முயற்சிக்கவும். மனதில் நல்ல பல சிந்தனைகள் தோன்றி தர்ம காரியங்கள் செய்ய வைக்கும். ஆன்மீக ஆர்வம் கூடும். புதிய சொத்துக்கள் வாங்குவது, விற்பதில் நல்ல லாபம் கிடைக்கும். கடன் கட்டுக்குள் இருக்கும். வண்டி, வாகனங்களில் செல்லும் போது கவனம் தேவை. வழக்கில் சாதகமாக தீர்ப்பு வரும். பொருளாதார வளர்ச்சி சிறப்பாக இருக்கும். உங்கள் வசதி வாய்ப்புகள் பெருகும், பழைய வீட்டில் இருந்து புது வீட்டிற்கு மாற வாய்ப்புண்டு. உடல் ஆரோக்கியத்தில் நல்ல முன்னேற்றம் ஏற்படும். சமூகத்தில் உங்கள் புகழ் அந்தஸ்து உயரும். எதிரிகள் கண்காணாமல் போவர். குடும்பத்தில் கணவன் மனைவி அன்யோன்யம் அதிகரிக்கும். திருமண வயதில் உள்ளவர்களுக்கு வரன்கள் கூடிவரும். குழந்தை பாக்கியம் கிட்டும். குல தெய்வ வழிபாட்டினை தவறாமல் மேற்கொள்ள முடியும். ஆன்மீக பெரியோர்களின் அன்பும், ஆசியும் கிட்டும். நீங்கள் எடுத்துக்கொண்ட முயற்சிக்கும் உழைப்பிற்கும் நல்ல பலன் கிடைக்கும். நீங்கள் கையில் எடுத்த காரியங்கள் இனிதே நடைபெறும். தொட்டது துலங்கும். வீட்டிற்கு தேவையான பொருட்களை வாங்க முடியும். உத்யோகத்தில் பெயர், புகழ் கிடக்கும். உத்யோகத்தில் உங்கள் உழைப்புக்கு ஏற்ற சன்மானம் கிடைக்கும். தொழில் வியாபாரத்தில் புது முதலீடுகளை கவனமாக செய்யவும். இந்த ஆண்டின் தொடக்கத்தில் நல்ல காலம் இருந்தாலும் நீங்கள் பொறுமையாக இருக்க வேண்டும். சிம்ம ராசிக்காரர்களுக்கு 2024ஆம் ஆண்டு அதி அற்புதமான ஆண்டாக அமையப்போகிறது. எல்லாவற்றிற்கும் இறை வழிபாடு ஒன்றே சிறந்த பரிகாரம்.
பரிகாரம் : கால பைரவர் வழிபாடு நன்மை தரும்.

முக்கிய குறிப்பு : இந்த 2024-ல் மாதம் தோறும் வரும் சந்திராஷ்டம தினத்தில் மட்டும் சிறிது எச்சரிக்கையாக இருக்கவும்.